Uchimbaji mafuta ya Petroli mkoani Morogoro kuanza Septemba 2018

Serikali imesema mradi wa uchimbaji mafuta katika Kisima kilichoanishwa kuchimbwa kwenye eneo la kijiji cha Ipera Asilia, kwenye hifadhi tengefu ya bonde la Kilombero, mkoani Morogoro, unatarajiwa kuanza rasmi mwezi Septemba, 2018 ambapo kisima hicho kinakadiriwa kuwa na mafuta kuanzia lita milioni 180 hadi 200.

Akizungumza jana Februari 2, 2018 katika kipindi cha maswali na majibu kwenye kikao cha nne cha mkutano wa 10 wa Bunge mjini Dodoma, Waziri wa Nishati, Dkt. Medard Kalemani amesema kinachosubiriwa ni kibali kutoka Baraza la Mazingira nchini (NEMC) na Mamlaka ya Usimamizi wa Wanyamapori Tanzania (TAWA), ili uchimbaji huo uanze rasmi.

“Mkataba ulishasainiwa tangu mwaka 2012 kilihobaki ni utekelezaji wa uchimbaji na ugunduzi wa mafuta, mafuta yanayotarajiwa kuchimbwa kwenye eneo hilo yanafikia milionii 180 hadi 200, mtaji ni mkubwa na utakua na manufaa kwa wananchi wako na nchi kwa ujumla,” alisema na kuongeza.

“Kinachosubiriwa ni kibali cha mazingira kutoka NEMC na mamlaka ya TAWA, mwezi Julai mwaka huu tumehakikishiwa mkataba utapatikana na Septemba uchimbaji utaanza rasmi.”

Serikali kupitia shirika la Maendeleo ya Petroli (TPDC) liliingia mkataba wa utafiti na uchimbaji wa gesi na uvunaji mafuta na Kampuni ya Mafuta na gesi ya Swala (Swala Oil), ambapo katika utekelezaji wa mkataba huo iligundulika kuwepo kwa wingi mafuta ya petrol na gesi katika vijiji vya Mtimbira.

TRA yazifungia hoteli tatu Mtwara kwa Kushindwa Kulipa Kodi

Mamlaka ya Mapato  TRA  imezifungia hotel tatu mkoani humo pamoja na kituo cha kuuza mafuta kwa kushindwa kulipa kodi .

Hotel zilizofungiwa ni Naf Beach, Naf blue, BNN pamoja na kituo cha Mnarani Petrol Station ambao kwa pamoja wanadaiwa zaidi ya Sh1bilioni ambazo ni malimbikizo ya madeni ya nyuma kwa kipindi cha miaka mitatu.

Ofisa mwandamizi wa huduma na elimu kwa mlipa kodi mkoa wa Mtwara,  Flavian Byabato amesema zoezi hilo ni endelevu kwa mkoa mzima.

“Ni madeni ambayo yametokana na ukaguzi kwa kipindi cha miaka mitatu nyuma, kikubwa walipe kodi..tunafungia kwa mambo mbalimbali kama malimbikizo ya madeni ya muda mrefu, matumizi sahihi ya mashine za EFD katika kutoa na kudai risiti sahihi inayoakisi gharama halisi ya malipo na kutii sheria  za kodi kama kutunza kumbukumbu,” amesema Byabato

Byabato amesema endapo wadaiwa watashindwa kulipa madeni yao watachukua hatua nyigine kama kukamata mali au kuwapeleka mahakamani kama hawatajitokeza kuomba na kuahidi ni lini watalipa madeni kwani hakuna aliyejitokeza kufanya hivyo.

Aidha amesema pia yapo maduka madogo ambayo yamefungiwa na kwa sasa wako wilayani Masasi wanaendelea na ukaguzi.

Serikali yabanwa madudu mkataba wa Mlimani City

Bunge limeitaka serikali kuhakikisha Mdhibiti na Mkaguzi Mkuu wa Hesabu za Serikali (CAG) anafanya ukaguzi wa kiuchunguzi na kiufanisi katika mikataba yote inayohusu mradi wa Mlimani City na kuwasilisha ripoti bungeni, baada ya kubaini dosari kubwa kwenye uendeshaji wa mradi huo.

Agizo hilo limetolewa ikiwa ni wiki mbili baada ya chombo hicho cha kutunga sheria kuukagua mradi huo jijini Dar es Salaam.

Katika ukaguzi wake, Bunge liligundua mbia wa mradi huo unaokihusisha Chuo Kikuu cha Dar es Salaam (UDSM) amewekeza mtaji wa Dola za Kimarekani 75 (Sh. 150,000) kutoka mfukoni kwake.

Mwenyekiti wa Kamati ya Kudumu ya Bunge ya Hesabu za Serikali (PAC), Naghenjwa Kaboyoka, ndiye alitoa agizo kwa CAG kukagua mradi huo alipowasilisha bungeni mjini hapa jana taarifa ya shughuli za kamati yake kwa mwaka 2017.

Alisema upungufu uliobainika katika mradi huo unainyima serikali mapato stahiki na hivyo kuwa eneo mojawapo lenye matumizi mabaya ya fedha za umma.

Kaboyoka alisema kamati yake imebaini dosari kutokana na mradi wa ujenzi wa Mlimani City ulioanza Oktoba mosi, 2004 ukitakiwa kukamilika Septemba mosi, 2006 kwa makubaliano ya mkodishwaji na mkodishaji, kwa maana ya Chuo Kikuu cha Dar es Salaam na Kampuni ya Mlimani Holding Limited (MHL), kutokamilika mpaka sasa.

Alisema uchambuzi wa kamati yake katika ripoti ya CAG pamoja na mahojiano na uongozi wa UDSM, umebaini dosari kubwa katika usimamizi na uendeshaji wa mradi huo, hali ambayo inaipa serikali hasara.

Alizitaja dosari hizo kuwa ni pamoja na Dola 75 ambazo zilionyeshwa kama mtaji wa MHL ambao ni kinyume cha Sheria ya Uwekezaji ya Mwaka 1977 inayoelekeza kwamba, ili kibali cha uwekezaji kitolewe lazima mwekezaji awe na mtaji wa kutosha.

Mbunge huyo wa Same Mashariki (Chadema) alisema kamati yake pia imebaini Turnstar Holding Limited ni miongoni mwa wanahisa wa MHL na anamiliki hisa moja na kwamba kampuni hiyo imetoa mikopo kwa MHL jumla ya Dola za Marekani 49,027,840.

"Kamati ilipata mashaka kuhusu nia hiyo ya mbia huyu kwa kuwa MHL ana hisa 900 ambazo hazijauzwa na hivyo angenunua badala ya kukopesha. Kamati inaona mbia huyu ana lengo lake la kujinufaisha zaidi kwa kutoa mikopo kwa vile riba anayolipwa inatolewa kwenye mapato ghafi kabla ya kugawana faida," alisema.

Kaboyoka pia alibainisha kuwa kwa miaka 13 tangu mkataba huo uingiwe, mradi wa ujenzi wa hoteli ya nyota tatu yenye vyumba 100 bado haujaanza, kinyume cha makubaliano, hivyo kuongeza gharama za kumalizika kwa mradi. Pia mradi wa utengenezaji wa bustani ya wanyama na mimea (Botanical Garden) uliopaswa kwenda sawia na hoteli hiyo haujatekelezwa.

Aliongeza kuwa kumekuwapo ukiukwaji wa malipo ya pango la ardhi ya chuo ambapo vifungu cha 1.1(j) na 10.1 vya mkataba vinaeleza kuwa UDSM itapata asilimia 10 ya pango la mapato ghafi, lakini MHL imekuwa ikifanya malipo ya pango kwa chuo baada ya kutoa gharama za uendeshaji, hivyo kuikosesha serikali mapato stahiki kinyume cha mkataba.

Pia alisema wamebaini kukiukwa kwa kifungu cha 12.2(l) cha hati ya makubaliano ya mpangaji kinachomtaka MHL kutopangisha mtu yeyote ambaye hajathibitishwa na mpangishaji (UDSM).

Alisema ukaguzi wao umethibitisha kuwa MHL amekuwa akipangisha wapangaji wengine bila kupata kibali cha chuo hivyo kusababisha chuo kukosa taarifa sahihi za mapato ya kodi kutoka kwa wapangaji wake.

Kaboyoka alisema kamati hairidhishwi na mazungumzo yanayoendelea kati ya UDSM na MHL kwa kuwa mwekezaji huyo amekuwa akiyakataa mapendekezo yote yenye maslahi kwa pande zote mbili badala yake amekuwa akishikilia mapendekezo yenye maslahi kwake tu.

"Wakati huo MHL ameongeza eneo la maduka na maegesho ya magari ambayo hayakuwamo katika mkataba.

Kama hiyo haitoshi, mwekezaji ameshindwa kuanza utekelezaji wa ujenzi wa hoteli na Botanical Garden ambavyo vipo kwa mujibu wa mkataba," Kaboyoka alisema.

Kigogo wa PAC huyo alisema mapitio ya mkataba yamebainisha kuwa hauelezi hali ya ugawanaji mali pindi mkataba utakapomalizika (miaka 50 au 85) kwa kuwa hakuna makubaliano rasmi yanayoeleza mgawanyo wa mali na miundombinu itakayokuwapo pindi mkataba utakapoisha.

Alibainisha kuwa athari ya jambo hilo ni kuwa kuna uwezekano mkubwa kutokea mvutano wa kisheria pindi mkataba huo utakapofika ukomo.

Kaboyoka alisema dosari nyingine ni kuhusu ushiriki wa serikali kupitia Kituo cha Uwekezaji (TIC) ambapo kituo hicho na MHL wamekuwa wakibadilisha muda wa utekelezaji wa mradi mara kwa mara kwa kumwongeza mwekezaji muda wa kukamilisha mradi bila kukihusisha chuo.

"Kwa mfano, mkataba wa kwanza ulisainiwa Februari 27, 2006 na kumwongeza mwekezaji kipindi cha utekelezaji wa mradi hadi Oktoba 30, 2009. Mkataba wa pili ulisainiwa Julai 13, 2007 kwa kuongeza muda wa utekelezaji hadi Novemba 30, 2013 na mkataba wa tatu ulisainiwa Desemba 10, 2014 ambao uliongeza muda wa utekelezaji wa mradi huo hadi Desemba 31, 2019," alisema.

Kaboyoka pia alisema mkataba unaonyesha kuwa zilitakiwa kujengwa nyumba 50 za kuishi (house estate/villas) lakini kamati yake ilipotembelea mradi huo zilizonekana nyumba 45 na nyumba moja yenye vyumba viwili vilivyotenganishwa na milango miwili.

Kutokana na dosari hizo, Kaboyoka alisema mradi wa Mlimani City unapaswa uangaliwe kwa kina kuanzia mkataba wa kwanza hadi hapo ulipofika sasa.

Hii ndio benki mpya iliyopewa leseni ya biashara na Benki Kuu ya Tanzania

Benki Kuu ya Tanzania (BoT) imetoa taarifa kwa kwa umma kuwa, imetoa leseni ya biashara kwa benki mpya yenye jina, Guaranty Trust Bank (Tanzania) Limited.

Leseni hiyo inatoa kibali kwa taasisi hiyo kutoa huduma za kibenki nchini Tanzania kama benki ya kibishara na imetolewa kuanzia Januari 5, 2018.

Makao Makuu ya Benki hiyo yanapatikana Kitalu namba 4, Regent Estate, Barabara ya Bagamoyo, jijini Dar es Salaam.

Hatua hiyo ya Benki Kuu imekuja siku chache tangu ilipozifutia leseni za biashara, benki 5 ambazo ni Covenant Bank, Efatha Bank, Njombe Community Bank, Kagera Farmers’ Cooperative Bank, na Meru Community Bank.

Benki Kuu ilizifungia benki hizo kutokana na kushuka kwa mtaji.

Urafiki watangaza kiama kwa wapangaji wake

Uongozi wa Kiwanda  cha Urafiki  umetangaza kiama kwa wapangaji wake ukiwataka kulipa kodi la sivyo wataondolewa pasipo huruma wala kuangalia hadhi ya mtu.

Akizungumza na Mwananchi leo Januari 4, 2018, naibu meneja mkuu wa kiwanda hicho, Shadrack Nkelebe amesema notisi ya siku 30 waliyotoa kwa wapangaji hao katika nyumba zilizopo Urafiki Kota, Ubungo imekwisha.

Desemba 21 mwaka jana uongozi wa kiwanda hicho ulitangaza kiama kwa wapangaji zaidi ya 160 ukiwataka kulipa kodi la sivyo watawaondoa.

Miongoni mwa walioponea chupuchupu kuondolewa katika nyumba hizo ni meya wa zamani wa Halmashauri ya Kinondoni, Salum Londa aliyelipa Sh18milioni huku mchezaji wa zamani wa Yanga, Zamoyoni Mogella aliyekuwa akidaiwa Sh5milioni, ikielezwa ataondolewa wakati wowote.

“Wiki ijayo tutaanza kuwatoa wapangaji wetu ambao wamekuwa sugu kulipa madeni ya kodi, tumefanya ubinadamu, tumewaita viongozi wa serikali za mitaa ili shughuli ya kuwatoa ikianza wasishangae,” amesema Nkelebe,

“Wapo ambao wameanza kuja kulipa na wapo ambao wameanza kukimbia, hao tutawatafuta, hatutakubali kodi yetu waondoke nayo. Wale  ambao mpaka sasa hawajalipa, tunawashauri tu walipe wasije kupata adha ya kutolewa kwa vitu vyao nje.”

Operesheni ya kuwaondoa inafanywa na Kampuni ua Udalali ya Yono ambayo mwezi uliopita uliwaondoa wapangaji wa nyumba hizo wenye ofisi kwa kuchukua vifaa ili kufidia madeni yao, huku  baadhi Nkelebe akisema wamekwisha kuanza kulipa.

“Wapo ambao tayari wamelipa na kuchukua vitu vyao lakini wapo ambao hawajafanya hivyo. Tunataka fedha hizo ili ziweze kuingizwa katika shughuli zetu kama za kununua pamba,  kulipa wafanyakazi, ukarabati wa majengo na mashine,” amesema Nkelebe.

Breaking News: BOT yazifutia leseni Benki Tano

Benki Kuu ya Tanzania(BoT) imezifutia  leseni ya kufanya biashara benki tano na kuziweka chini ya ufilisi.

Taarifa iliyotolewa leo Alhamisi na BoT imezitaja benki hizo kuwa ni Covenant Bank For Women (Tanzania) Limited, Efatha Bank Limited, Njombe Community Bank Limited, Kagera Farmers' Cooperative Bank Limited, na

Meru Community Bank Limited.

BoT imeeleza kuwa imefanya hivyo kwa mamlaka iliyopewa chini ya kifungu cha 56(1)(g), 56(2) (a), (b) na (d), 58(2)(i), 11(3)(c) na (j), 61(1) na 41(a) cha Sheria ya Mabenki na Taasisi za Fedha ya mwaka 2006, Benki Kuu ya Tanzania imeamua kuzifunga; kusitisha shughuli zake zote za kibenki; kufuta leseni zake za biashara ya kibenki; na kuziweka chini ya ufilisi.

“Kwa mamlaka iliyopewa chini ya kifungu Na. 41(a) cha Sheria ya Mabenki na Taasisi za Fedha ya mwaka 2006; Benki Kuu ya Tanzania imeiteua Bodi ya Bima ya Amana (The DEPOSIT INSURANCE BOARD) kuwa mfiiisi kuanzia tarehe 04 Januari 2018,” imeeleza taarifa hiyo.”

“Uamuzi huu umechukuliwa baada ya Benki Kuu ya Tanzania kujiridhisha kuwa benki hizi zina upungufu mkubwa wa mtaji kinyume na matakwa ya Sheria ya Mabenki na Taasisi za Fedha ya mwaka 2006 na kanuni zake. Upungufu huo wa mtaji unahatarisha usalama wa sekta ya fedha na kwamba kuendelea kutoa huduma za kibenki kwa benki hizo kunahatarisha usalama wa amana za wateja wake.”

Taarifa hiyo imeeleza kuwa BoT inapenda kuuhakikishia umma kuwa itaendelea kulinda maslahi ya wenye amana katika mabenki kwa lengo la kuleta uhimilivu katika sekta ya fedha.

Bei Mpya Elekezi za Mafuta ya Petroli kutoka EWURA

January 3, 2017 Mamlaka ya Udhibiti wa Huduma za Nishati na Maji (Ewura) imetoa bei mpya elekezi za Mafuta ya Petrol, Diesel pamoja na mafuta ya Taa kwa Mwaka. Bei hizi zitaanza kutumika kuanzia January 3.

  

Kwa mujibu wa taarifa iliyotolewa na Kaimu Mkurugenzi Mkuu wa Ewura, Godwin Samwel, bei zitakazoanza kutumika leo Petroli imezidi kupanda bei kwa shilingi 8/lita, kupanda huku kumetokana na mabadiliko ya bei katika soko la Dunia.

 

Pamoja na kutaja bei kikomo za bidhaa mbalimbali za mafuta nchi nzima, EWURA wametaja mambo muhimu ya kuzingatia   kama ifuatavyo.

• Bei za jumla na rejareja kwa mafuta ya aina zote yaliyoingizwa nchini kupitia bandari ya Dar es Salaam, yaani Petroli, Dizeli na Mafuta ya Taa zimeongezeka ikilinganishwa na toleo lililopita la tarehe 6 Disemba 2017. Kwa mwezi Januari 2018, bei za rejareja za Petroli, Dizeli na Mafuta ya Taa zimeongezeka kwa Shilingi 8/lita (sawa na asilimia 0.35), Shilingi 34/lita (sawa na asilimia 1.71) na Shilingi 89/lita (sawa na asilimia 4.57) sawia. Vilevile, kwa kulinganisha na toleo la mwezi uliopita, bei za jumla za Petroli, Dizeli na Mafuta ya Taa zimeongezeka kwa Shilingi 7.56/lita (sawa na asilimia 0.37), Shilingi 33.97/lita (sawa na asilimia 1.81) na Shilingi 88.73/lita (sawa na asilimia 4.85) sawia. Ongezeko la bei za mafuta ya Petroli, Dizeli na Mafuta ya Taa limetokana na ongezeko la bei za mafuta hayo katika soko la dunia na ongezeko la gharama za usafirishaji (BPS Premiums).
• Bei za jumla na rejareja kwa mafuta ya Petroli na Dizeli yaliyoingizwa nchini kupitia bandari ya Tanga nazo zimeongezeka ikilinganishwa na toleo lililopita la tarehe 6 Disemba 2017. Bei za Mafuta ya Taa hazijabadilika kwa sababu hakuna Mafuta ya Taa yaliyoingizwa nchini kupitia bandari ya Tanga katika mwezi wa Disemba 2017. Katika toleo hili, bei za rejareja za Petroli na Dizeli kwa Mikoa ya Kaskazini zimeongezeka kwa Shilingi 60/lita (sawa na asilimia 2.78) na Shilingi 69/lita (sawa na asilimia 3.47), sawia. Aidha, kwa kulinganisha na toleo la mwezi uliopita, bei za jumla za Petroli na Dizeli zimeongezeka kwa Shilingi 59.68/lita (sawa na asilimia 2.93) na Shilingi 69.02/lita (sawa na asilimia 3.67). Ongezeko la bei za mafuta ya Petroli na Dizeli katika mkoa wa Tanga linatokana na kuongezeka kwa bei za mafuta hayo katika soko la dunia na kuongezeka kwa gharama za usafirishaji (BPS premiums).
• Ifahamike kwamba, sehemu kubwa ya shehena za mafuta yaliyopokelewa katika bandari ya Dar es Salaam ni zile zenye bei za soko la dunia za mwezi Oktoba 2017 wakati shehena iliyopokelewa katika bandari ya Tanga ni ya bei za soko la dunia za mwezi Novemba 2017. Bei za mafuta katika soko la dunia kwa mwezi Novemba 2017 ziko juu kwa zaidi ya asilimia 6 ikilinganishwa na bei za mwezi Oktoba 2017.
• Mamlaka inapenda kuukumbusha umma kwamba bei kikomo za mafuta kwa eneo husika, zinapatikana pia kupitia simu za mkononi kwa kupiga namba *152*00# na kisha kufuata maelekezo. Huduma hii ni bure na inapatikana kupitia mitandao yote ya simu za mkononi hapa nchini.
• Kwa mujibu wa Sheria ya Mafuta ya mwaka 2015, bei za bidhaa za mafuta ya petroli zitaendelea kupangwa na soko. EWURA itaendelea kuhamasisha ushindani kwa kutoa taarifa za bei kikomo za bidhaa za mafuta. Taarifa hizi zina lengo la kuwasaidia wadau kufanya maamuzi stahiki kuhusu manunuzi ya bidhaa za mafuta.

• Kampuni za mafuta ziko huru kuuza bidhaa za mafuta ya petroli kwa bei ya ushindani mradi tu bei hizo zisivuke bei kikomo (price cap) kama ilivyokokotolewa na kanuni (formula) iliyopitishwa na EWURA na ambayo ilichapishwa katika Gazeti la Serikali Na. 216/2017 la mwezi Mei 2017.
• Vituo vyote vya mafuta vinatakiwa kuchapisha bei za bidhaa za mafuta katika mabango yanayoonekana bayana na yakionesha bei ya mafuta, punguzo, vivutio vya biashara au promosheni zinazotolewa na kituo husika. Pale ambapo inawezekana kuchagua, wateja wanashauriwa kununua bidhaa za mafuta katika vituo vinavyouza mafuta kwa bei nafuu zaidi ili kushamirisha ushindani. Ni kosa kuuza mafuta bila kuweka mabango ya bei inayoonekana vizuri kwa wateja. Adhabu kali itatolewa kwa kituo husika kwa kutotekeleza matakwa ya kisheria kwa mujibu wa kanuni husika.
• Wauzaji wa mafuta ya petroli wanatakiwa kutoa risiti za mauzo kutoka kwenye mashine za EFPP (Electronic Fiscal Pump Printers) na Wanunuzi wahakikishe wanapata stakabadhi hizo za malipo zinazoonyesha jina la kituo, tarehe, aina ya mafuta yaliyonunuliwa na bei kwa lita. Stakabadhi hizo za malipo zitatumika kama kidhibiti kwa wanunuzi wa mafuta endapo kutajitokeza malalamiko ya aidha kuuziwa mafuta kwa bei ya juu kuliko bei kikomo au kuuziwa mafuta  yasiyo na kiwango cha ubora kinachofaa, na pia, risiti hizo zitasaidia kurahishisha ukusanyaji wa kodi za Serikali zitokanazo na mafuta ya petroli.

A: BEI ZA REJAREJA

Mji		Bei Kikomo
	Petroli (Shs/Lita)	Dizeli (Shs/Lita)	Mafuta Ya Taa (Shs/Lita)
Dar es Salaam	2,167	2,018	2,031
Arusha	2,263	2,115	1,995
Arumeru (Usa West)	2,263	2,115	1,995
Karatu	2,281	2,134	2,013
Monduli	2,268	2,121	2,000
Monduli-Makuyuni	2,273	2,125	2,005
Ngorongoro (Loliondo)	2,347	2,200	2,079
Kibaha	2,172	2,023	2,036
Bagamoyo	2,178	2,029	2,042
Kisarawe	2,175	2,025	2,038
Mkuranga	2,177	2,028	2,041
Rufiji	2,195	2,046	2,059
Dodoma	2,226	2,077	2,090
Bahi	2,233	2,084	2,097
Chemba	2,252	2,103	2,116
Kondoa	2,259	2,109	2,122
Kongwa	2,223	2,074	2,087
Mpwapwa	2,227	2,078	2,091
Iringa	2,231	2,082	2,095
Kilolo	2,236	2,087	2,099
Mufindi (Mafinga)	2,241	2,092	2,105
Njombe	2,259	2,110	2,123
Njombe (Kidegembye)	2,280	2,131	2,144

Ludewa	2,297	2,148	2,161
Makete	2,290	2,141	2,154
Wanging’ombe (Igwachanya)	2,257	2,108	2,121
Bukoba	2,382	2,233	2,246
Biharamulo	2,357	2,207	2,220
Karagwe (Kayanga)	2,399	2,249	2,262
Kyerwa (Ruberwa)	2,404	2,255	2,268
Muleba	2,382	2,233	2,246
Ngara	2,348	2,199	2,211
Misenyi	2,391	2,241	2,254
Geita	2,332	2,183	2,196
Bukombe	2,321	2,172	2,185
Chato	2,353	2,204	2,217
Mbogwe	2,370	2,221	2,234
Nyang’hwale	2,347	2,198	2,211
Kigoma	2,398	2,249	2,262
Uvinza (Lugufu)	2,410	2,261	2,274
Buhigwe	2,387	2,238	2,251
Kakonko	2,355	2,206	2,219
Kasulu	2,384	2,235	2,248
Kibondo	2,363	2,213	2,226
Moshi	2,253	2,105	1,984
Hai (Bomang’ombe)	2,256	2,108	1,988
Mwanga	2,246	2,098	1,977
Rombo (Mkuu)	2,269	2,122	2,001
Same	2,239	2,091	1,971
Siha (Sanya Juu)	2,259	2,112	1,991
Lindi	2,226	2,077	2,090
Lindi-Mtama	2,244	2,095	2,108
Kilwa Masoko	2,201	2,052	2,065
Liwale	2,247	2,098	2,111
Nachingwea	2,255	2,106	2,119
Ruangwa	2,257	2,108	2,121
Babati	2,297	2,149	2,029
Hanang (Katesh)	2,307	2,160	2,039
Kiteto (Kibaya)	2,312	2,165	2,044
Mbulu	2,310	2,162	2,041
Simanjiro (Orkasumet)	2,329	2,181	2,061
Musoma	2,346	2,196	2,209
Musoma Vijijini (Busekela)	2,386	2,237	2,250
Rorya (Ingirijuu)	2,354	2,205	2,218
Rorya (Shirati)	2,389	2,240	2,253
Bunda	2,337	2,187	2,200
Butiama	2,342	2,193	2,206
Serengeti (Mugumu)	2,391	2,242	2,255
Tarime	2,357	2,207	2,220
Tarime (Kewanja/Nyamongo)	2,361	2,212	2,225
Mbeya	2,274	2,125	2,138

Chunya	2,284	2,134	2,147
Chunya (Makongolosi)	2,298	2,149	2,162
Ileje	2,287	2,138	2,151
Kyela	2,290	2,141	2,154
Mbarali (Rujewa)	2,258	2,109	2,122
Mbozi (Vwawa)	2,284	2,134	2,147
Momba (Chitete)	2,292	2,143	2,156
Rungwe (Tukuyu)	2,283	2,134	2,147
Morogoro	2,192	2,043	2,056
Mikumi	2,208	2,059	2,072
Kilombero (Ifakara)	2,230	2,081	2,094
Kilombero (Mlimba)	2,252	2,103	2,116
Kilombero (Mngeta)	2,242	2,092	2,105
Ulanga (Mahenge)	2,241	2,091	2,104
Malinyi	2,251	2,102	2,115
Kilosa	2,211	2,061	2,074
Gairo	2,211	2,061	2,074
Mvomero (Wami Sokoine)	2,203	2,054	2,066
Turiani	2,217	2,068	2,081
Mtwara	2,240	2,090	2,103
Nanyumbu (Mangaka)	2,288	2,139	2,152
Masasi	2,265	2,116	2,129
Newala	2,272	2,122	2,135
Tandahimba	2,265	2,115	2,128
Mwanza	2,317	2,168	2,181
Kwimba	2,353	2,204	2,217
Magu	2,325	2,176	2,189
Misungwi	2,323	2,173	2,186
Sengerema	2,350	2,200	2,213
Ukerewe	2,377	2,227	2,240
Sumbawanga	2,340	2,191	2,203
Kalambo (Matai)	2,347	2,198	2,211
Nkasi (Namanyele)	2,353	2,204	2,217
Katavi (Mpanda)	2,375	2,226	2,238
Mlele (Inyonga)	2,353	2,204	2,217
Songea	2,291	2,141	2,154
Mbinga	2,324	2,175	2,188
Namtumbo	2,320	2,171	2,183
Nyasa (Mbamba Bay)	2,326	2,177	2,190
Tunduru	2,349	2,200	2,213
Shinyanga	2,296	2,147	2,160
Kahama	2,310	2,160	2,173
Kishapu	2,324	2,175	2,188
Simiyu (Bariadi)	2,337	2,188	2,201
Busega (Nyashimo)	2,330	2,181	2,194
Itilima (Lagangabilili)	2,340	2,191	2,204
Maswa	2,329	2,180	2,192
Meatu (Mwanhuzi)	2,336	2,187	2,199
Singida	2,258	2,109	2,121
Iramba	2,270	2,121	2,134
Manyoni	2,242	2,093	2,106
Ikungi	2,253	2,104	2,117
Mkalama (Nduguti)	2,282	2,133	2,146
Tabora	2,321	2,172	2,185
Igunga	2,275	2,126	2,139
Kaliua	2,339	2,190	2,203
Ulyankulu	2,333	2,184	2,197
Nzega	2,286	2,137	2,149
Sikonge	2,333	2,184	2,197
Urambo	2,334	2,185	2,198
Tanga	2,206	2,059	1,938
Handeni	2,227	2,079	1,959
Kilindi	2,242	2,094	1,974
Korogwe	2,219	2,071	1,950
Lushoto	2,228	2,080	1,960
Mkinga (Maramba)	2,213	2,066	1,945
Muheza	2,211	2,064	1,943
Pangani	2,213	2,066	1,945

B: BEI ZA JUMLA 

Bei za Jumla – DSM	Petroli (Shs/Lita)	Dizeli  (Shs/Lita)	Mafuta ya Taa (Shs/Lita)
Bei Kikomo	2,056.41	1,907.12	1,920.00
Bei za Jumla – TANGA	Petroli (Shs/Lita)	Dizeli  (Shs/Lita)	Mafuta ya Taa (Shs/Lita)
Bei Kikomo	2,095.46	1,947.93	1,827.17

   Mhandisi Godwin Samwel

KAIMU MKURUGENZI MKUU

  EWURA